الصور
Posted in سوالف الدكـــــــــــــــــــــــــه on سبتمبر 21, 2009 by بيــــــــالة شــــاهيالصوره هذه كان من المفترض احطها كواجهه لمدونتي بس سبحان الله مااهضم الصوراللي يكون فيها دقه تصوير وخلفيه متعوب عليها وزاويه مدروسه مااواطن ابداا البته احب الطبيعه احب التصوير اللي يكون فجاءه وبكامل مصداقيته مافيه تغيير له زي مثلالا واحد مصور بحر ومخلي لونه اخضر ولا السماء لونها موف مااهضم ابد التزوير باالصور عاااد الفوتو شي ثاااني سبحان الله النت معضم اللي فيه مصورين ولا فوتوشوبيين محترفين اكلين الجو بصراحه
في الصوره اللي اخترتها ابداااع تصوير
هذا العيب الصغنن لكن شوفوا اللحظه من جد عشت في الصوره وخلاني كاني اللي احتسي هاالبياله
دقق ناظر ان المكان كان فيه غنم والدليل جره الماعز اللي جنب البياله شي ثاني البياله مثل ماطلعت من العزبه اطرافها فيها تكسرات
طــــــــال السفـــــر
Posted in سوالف الدكـــــــــــــــــــــــــه on اغسطس 23, 2009 by بيــــــــالة شــــاهيفتحـــــت عيوني العصروكعادة اهلي عشان اقوم لصلاة العصريطفون المكيف وبكيذا مااقدر ارجع انام وصوت امي معصبه **ياالله شيللي زمزميتك القهوة حقة البارح واغسليها وبصـــوت جهوري (ارووووووووااااح)*ضاق صدري ماابي اسافروبطني لاصق في ظهريتوضيت وصليت وجيت باالصاله لقيت بريق شاهي بااااااارد واذا شربت بياله شاهي خلاص كني اكله مفطح سخنته وشربت ذيك البياله اللي عدلت اووم المزاج وواضح اللي مسويه سعدلانه دايم مضبوط شاهيه شوي ويشاركنا ليبتون الجلسه وتدق اختي :
هاااه مشيتوا
انا:لا
هي :متى تمشون
انا:مدري
هي :وش فيك طيب معصبه
انا:توي صاحيه من النوم ولو تشوفين اغراضنا بس اخوي سعــــد كنه بيروح افغانستان
هي :ليــــــــــــــه
انا:معه كيس مليان رصاص ومسدسات
هي :هههههههههههههههههههههههههههه
انا :واحد له وواحد لخويه بيحضر فيه عرس لزوم الهياط والعادات اللي مدري وشلون
هي :ياالله اشوفك قريب
انا “طيب
امي 
اروووووووووووواح):)
معي شنطه اكسبريس استحليتها بعد ماراح لدوره وتركت شنطتي اللي من فيل فري ب150قال ماركـــــــه قال وهي من اول سفره انقطعت يخلف الله بس شنطه اخوي بس ب15ريال
ثم الكل توجه الى السياره ومشينا وكان بسياره سعد تعليقه مكتوب فيها دعاء الســـــفر والله يوم تاملته مدري وشلون جاني احساس غريب اساسا الدعاء يلهمك اشياء خافيه عنك حسيت بخوف حسيت احساس غريب
كلام عظيم جداااااااااااااااااا
فيكم تتاملوه
دعاء السفر
“الله أكبر، الله أكبر، الله أكبر، ( سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ )
” اللهم إنا نسألُكَ في سفرنا هذا البرَّ والتقوى، ومن العمل ما ترضى، اللهم هون علينا سفرنا هذا واطو عنا بعده، اللهم أنت الصاحب
في السفر، والخليفة في الأهل، اللهم إني أعوذ بك من وعْثاءِ السفر، وكآبة المنظر وسوء المنقلب في المال والأهل”
السطــــــــــــــــر الاخير يخللي بدنك يتقشعر
وقفنا عند محطه فيها والله مدري وش اسميهم شحادات او متسولات او محرومات الله اعلم فيهم لكن الملفت فيهم التزامهم باالحجاب الشرعي تكاد ماتشوف شي مشاءالله وطبعا قلت لاامي يمه لاتعطينهم مااتوقع انهم في حاجه وعاااد قلت ولا ماقلت كل اللي باالسياره انقلبوا علي هذه تصير من ضمن السائل والمحروم وعسى الله لايحدنا مثل ماهي محتده احمدي ربك اكيد انها محتاجه مااشحدت الا عشان كيذاا وترى المعيشه هنا ماتكفي قلت وين الضمان وين..مايكفي انتي ماتفهمين قلت طيب تشتغل ولا اني اكون باالشكل ذاا واجي يوم القيامه مافي وجهي مزعه لحم وبعدين وش دراكم يمكن انهم اغنى مناا واختي من هنا وامي من هنا لدرجه اني حسيت اني مرتكبه ذنب ماعلينا
اخوي سعد نزل يجيب اغراض المفرحات وكيذاا عاااد يصير لها طعم باالسفر وننتظره وفي اثناء الانتظاااار نشوف العالم ونتفرج واكثر اللي شفناهم لابسين لبس شتوي استغفرالله مدري وشلون هم مايحسون ولا كيف وواحد اقرفني شعره ماسه بتوكه ويييييين عايش الاخ الصراحه صابني غثيان لو تاركه مفللول والله استر وازين
الاخت اللي تسئل جاااااااالسه بجنب باب البقاله يعني الرجال اللي حاسب وع طول بيطلع تكون في وجهه وهو اكيد معه فكه بعد ماصرف حنا نشوف ناااااس تحط الفكه ع طوووول بجيبها وناس لاوالله تعطيه للاخت كله الملفت انه كان هناك فلبيني وعطاها >>مدري ليش ركزنا عليه وع طووول اختي قالت ياحياتي هذاا اللي متغرب ويعطي
وقلنا يااللله بنشوف سعــــــــــــــد وش بيسوي قلت ان كانه ولد امي بيعطي المره الفكــــــــــــــــه
وننتظر اخينا في الله ننتظر وكلنا متشوقين نشوف وش بيسوي
وطلع صدق ولد امــــــــــــــــــــــــــــي وعطاها حتى ياحبيلـــــــــــــــــــــه مايقز فيها ولا شي معطيها وهو موطي راسه ياعمري عليك ياسعـــــد بغت الفلوس تطير مو توصل لها من زود الحياء خخخخخخ
ومشينا وانا كنت اكتب مذكراتي بدفتري وخاااايفه من اختي لاتلطشه وحطيته من زود الحرصــــ في الشنطه اللي مانزلتها معي من الكماخه يوم اصلي وتجي طويله العمر وتقراها والله شوي واصيح الا صحت قاتل الله اللقافه وتهاوشنا باالسياره واخوي يسكتنا
وانا تلفظت الفاظ غصب عني والله بس مقهوره ويلوموني يوم اكتب مدونه
فلتذهب الاوراق الى الجحيم
**من عرفت نفسي وهذا طريق سفرنا خط مستقيم مستحيل نتزحزح عنه يمين او شمال ماعمري عرفت غير هذاا الطريق
**ارواح :تعني هيااابنا بسرعه
وصلى الله على الحبيب عدد ماتعاقب الليل والنهااار
من قال السمناء تعساء!!
Posted in سوالف الدكـــــــــــــــــــــــــه on يوليو 2, 2009 by بيــــــــالة شــــاهياللي شهيته مفتوحه 24ساعه هذا من اسعد الناس السمناء اللي يستمتعون وهم ياكلون هذولاء عايشين بنعيم ومايوفرون وجبه ابداا ولا يستحوون اذا اكلوا قدام خلق الله ويطلبون بعد ماينتهون من اكلهم ويدبلون عدد السندويشات ياسلالالام انواع المتعه اللي يملك شهيه للاكل هذا انسان سعيد لان من المتع في الحياه هي الاكل واذا فقدت شهيتك للاكل فاانت تعيس يكفي ان في الجنه مالاعين رات ولا اذن سمعت ولا خطر على قلب بشر من ضمن النعيم وجود الاكل
اعاني من فقد الشهيه اللي حول عيشتي جحيم معقول مااشتهي اي اكله وجبه ماعمري قلت مشتهيه المطعم الفلاني الحلاوة الفلانيه الشكولاته الفلانيه بس اقلد غيري فيما تشتهي انفسهم اما اني بكون مشهوره بحب اكله فهذا من الاحلام كمثال
امــــــــــــــي حلوة اللبن (تحب اللبن )
اخوي سعد يعشق (القرص )
اكسبريس (كدرد)
كبوس اسم الله عليها كل شي تعشقه اللهم لاحسد (هوليستن وكل اكل المطاعم )
كوب الشاهي >>اختي المتزوجه تعشق الشاهي والاقط خخخخخخ اذكر بليلة زواجها مااكلت شي لمده 3ايام ولماراحت وتركت لنا غرفتها لقينا كوب شاهي جنب سريرها عشقها الابدي واللي قدرت تبلعه في ذاك الوقت
ياحليلهم اخواني ابناء صحراء فعلاِ
صديقتي المقربه بقوووووووووة( تلقيمه )تموت ع كت كات
حتى باالســــــــــــفر لما اخوي ينزل للمحطه يقولون وش تبون اجيب لكم الكل يطلب الا انا بس اقلدهم في اللي يبون وهم يتضايقون ياشين التقليد يابياله اقولهم طيب ياناس ياعالم مايحضرني شي مااشتهي شي مااحب شي اللي تاكلون منه بااكله
الله يكون باالعون شهيه عدمــــــــــــــ
ويقولون ياحرام ياالدبه الا ياسعده مشاءالله تبارك الله يكفي انهم اكثر الناس خفه دم بلاه من الاستمتاع اللي يحصلله كل يوم
العجيب اني قاعده اكتب هاالتدوينه وانا اتضور جووووع وبنام وانا مالي خلق ازط شي ولا افرش اسناني
_تحديث **صحيت الظهر وميته جووع وشربت كاس ليمون وشبعت حسيت بطني حويصله مو بطن من كوب واحد شبعت بنفس اليوم قريت احصائيه تقول انه توفي 16الف شخص جراء الجوووع سبحان الله العضيم ناس لاقيه اكل وماتاكل وناس تبغى اكل ومو لاقيه :’(________________________________________________
مااحد من الناس صاحي يشفي يداوي جراحـــــــــــــــي
جيران بس ,,,,,,
Posted in سوالف الدكـــــــــــــــــــــــــه on يونيو 23, 2009 by بيــــــــالة شــــاهيتلقى العائله ولا اروع بس تجي المشاكل من هاالجيران استغفرالله العضيم يمكن ثلاث ارباع المشاكل العائليه من هاالجيران اكاد اجزم واللهي عن واقع اتكلم وحقيقه لايمكن احد ان يستنكرهاوذلك عن طريق عدة اشياء وهي اما الوشايه ولا التدخل باالخصوصيات ولا اشياء كثيره كمثال وكتقريب لصوره ا
يمكن في حدود الساعه 10ع وشك الكل ينام صوتــــــــــــ واحد من الجيران وضرب الباب طااخ ياابوسعد ولدك باالنبيطه بغى او كاد خخخخ ان يفقع عين ولدي الله واكبركاااااااااااد مو اكيد ماتقدر تصبر لبكره لا والموضوع مايستاهل المشكله الاب متعلم مو جاهل الحمدلله وشكر الصراحه الناس اللي تتعارك فيما بينها بسبب هاالبزران ناس ناقصه عقل من جد ومايستحووون اتذكر امهات في زواج تهاوشوا البزران وبسببهم تهاوشوا الامهات وماخذى الموقف دقايق الا الرجال داخلين يفكوون ببين الحريم استغفرالله ياالتخلف حمدلله وشكر بزران يتهاوشوون ثواني ثم يتراضون في اقل من الثانيه وش دخلكم ياالكبار ياالعاقلين!!! !!!!!!!!!!!!!!!!
الحلواني تذكرت ان ولد عمي يقووووول ترى حنا يوم كنا بزران انواع المخاطر نتعرض لها والحمدلله عايشين حتى في الرمضاء نمشي وننفلق ومعينين من الله خيرمافيه احد بيموت من كثر الفلق والتكفخ من جد ايام المبزره مانحس باالاشياء اللي يحسسون فيها اللي اكبر منا لاننا مستمتعين ولاننا صغار ولا يهمنا اجل في غرفه مافيها مكيف والحراره واصله 50 والعب وانواع المتعه مافيه اي شكوى تذكر !!
شطحت عن الموضوع الاساسي كاالعاده الجيران مصدرسعاده في بعض الاحيان وتعاسه في احييان كثيره
الله يرحم نمــــــــــــــــــــــــــــــر يوم يقول :
مرحوم يااللي مامشى باالملاما
يمكن في حدود الساعه 10ع وشك الكل ينام صوتــــــــــــ واحد من الجيران وضرب الباب طااخ ياابوسعد ولدك باالنبيطه بغى او كاد خخخخ ان يفقع عين ولدي الله واكبركاااااااااااد مو اكيد ماتقدر تصبر لبكره لا والموضوع مايستاهل المشكله الاب متعلم مو جاهل الحمدلله وشكر الصراحه الناس اللي تتعارك فيما بينها بسبب هاالبزران ناس ناقصه عقل من جد ومايستحووون اتذكر امهات في زواج تهاوشوا البزران وبسببهم تهاوشوا الامهات وماخذى الموقف دقايق الا الرجال داخلين يفكوون ببين الحريم استغفرالله ياالتخلف حمدلله وشكر بزران يتهاوشوون ثواني ثم يتراضون في اقل من الثانيه وش دخلكم ياالكبار ياالعاقلين!!! !!!!!!!!!!!!!!!!
الحلواني تذكرت ان ولد عمي يقووووول ترى حنا يوم كنا بزران انواع المخاطر نتعرض لها والحمدلله عايشين حتى في الرمضاء نمشي وننفلق ومعينين من الله خيرمافيه احد بيموت من كثر الفلق والتكفخ من جد ايام المبزره مانحس باالاشياء اللي يحسسون فيها اللي اكبر منا لاننا مستمتعين ولاننا صغار ولا يهمنا اجل في غرفه مافيها مكيف والحراره واصله 50 والعب وانواع المتعه مافيه اي شكوى تذكر !!
شطحت عن الموضوع الاساسي كاالعاده الجيران مصدرسعاده في بعض الاحيان وتعاسه في احييان كثيره
الله يرحم نمــــــــــــــــــــــــــــــر يوم يقول :
مرحوم يااللي مامشى باالملاما
جيران بيته راح مامنه يشكون
عيوبــــــي
Posted in في نفسي شي on يونيو 16, 2009 by بيــــــــالة شــــاهي- لكل منا عيوب وانا بكتب عيوبي عساها تتغير واتمنى انها تتغير بقدره قادر واتمنى في يوم من الايام ارجع هنا واشخمط على لو عيب واحد تغير فيني _اني اكره شغل البيت اكرهه كره موطبيعي خاصه المطبخ وتبعاته مااحب في المطبخ الا محتوياته خاصه اللي بوسط الثلاجه هاالنقطه تؤرقني تتعبني الحمدلله خواتي اللي اكبر مني ماهرات خاصصه اختي الكبيره مشاءالله ابداااع>>مره اقول لااختي باالله صلحي لي حلاء اوديه بكره لصقيقاتي واعطيك اي بلغ تبينه تقول خير ان شاءالله المطبخ هناك يقول يامرحبا خخخ, ودايم امي تتحلطم على شغلي لانه ناقص او غير مرضي هذا غير الاكل اللي الله يعز النعمه ماافلح الا ي الشاهي >>اكيد حبيب البي والقهوة صديقاتي دايم يفشلوني وش هاالقهوة المخيسه والله اتحلطم كثير اذا رجعته معي للبيت وماشرب منها الا وحده ومجامله كثر خيرها يعني الشاهي لعبتي غيره فاشله فشل ذريع امي تقول ليتك زي البنات تعرفين شغلات وحركات وطبخات ومدري ايش قلت يمه حبيبتي عائشه قدوتي رضي الله عنها ماقد سمعت انها سوت حلاء ولا سوت شي يعني من الاشياء اللي قاعدين بنات اليوم يسوونها ولا بعد عندها جاريه قالت امي طيب وفاطمه رضي الله عنها لماراحت لرسول تبغى خادم الرسول وش رد عليها هنا ماقدرت ارد ولا اقول شي بس وش اسوي مااواطن المطــــــــــــــــــبخ
-
- في الطعشات من عمري كنت اغطي عيوني بس في العشرينات او قبلها صرت مااغطيهم الا في حالتين الاولي جماعتنا الثانيه اصحاب محلات الجوال لانهم الله يصلحهم طاولتهم شبر يعني وجهي قريب من صاحب المحل شي يخوف بصراحه وهذا العيب يؤرقني اشوف اني منافقه من الدرجه الاولى يارب لاتواخذني واعف عني اللهم اني اعوذبك ان اشرك بك وانا اعلم واستغفرك لما لااعلم
- _فيه بنت من الضيعه لهاالحين وانا اتحسب عليها صبح مساء سرا وجهارا عجزت عجزت عجزت انسى واسامح حسبي الله عليها ونعم الوكيل عشان كيذا مااقدر انصح اي احد متهاوش مع شخص ثاني واقوله ترى الدنيا فانيه والمسامح كريم مااقدر لاني ماغفرت لهاالبنت الح…..حسبي الله عليها سوت لي شي خلتني خلتني مااقول الا حسبي الله عليها ونعم الوكيل الشريره الله ينتقم لي منك ودي اقول الموقف بس قلبي يتقطع يتقطع شعور لايوصف اللي اببغى اصير متسامحه ماقدرت
- _ملقــــــــوفه احب اشارك امي هوشاتها لااخواني خخخ بس شي يقهر اني مااواطن احد يدخل لاصارت امي تهاوشني ومع ذلك ادخل في هوشاتها لهم بس كني خفيت يارب
- اذا احد مدحني في شيئا ما مااستحي ولا اقول شوكرن ولا اسوي شي يبين للمادح اني اشكره ابدا اكمل مدحته لي مثال :رهيب لبسك ياساره مشاءالله كووشخه
- وارد بكل بشاعه طول عمري كشخه مامن جديد خخخخ اقول لصقيقاتي ماتنقهرون من الاسلوب بس يضحكون
- شي مخجل ومحزن اني التجي لربي وقت الشدايد _يارب سامح بس اذا ماالتجت لك من التجئله زي مثلا اليوم حاطه ع ام بي سي وهات يااغاني ولما طفى الكهرب وزاد الحر وضاقت علي الوسيعه رحت وغيرت المحطه وحطيت اذاعه القران الله واكبر ويني عنها قبل مايطفى الكهرب شي مخجل
- _اكره المناسبات الاجتماعيه ومفروض احبها لانها من الوصل بس احس اني البس قناع ومجاملات لاتنتهي وودي بسرعه يخلص الوقت بس اللي احبه اني التقيهم بعرس نسلم ع بعض بس غيره واحب ابداا
- ثقتي استمدها من لبسي غيره مااقدر اذا لبست لبس عاادي ومو ذاك يتغير يومي وياثر ع تواصللي مع الغير يعني فيني هياطه شوي ع قولة امي بس سبحان الله اذا لبست لبس مو غالي احس الكل يعرف قيمته لتذهب المهايطه للجحيم ياحلاة التواضع بس
- راجعتـــــــــــــــــــــــــــــــــــــــــــــــــــــــــــــــــــــــــــــــــــلك ان شاءالله ياحزم الضامي بشوف انا تغيرت ولا مكانك سر___________الترقيم خطا بس عاجزه ارتبه يعني عشره مو تسعه عساها تنقص
ابي رساله بدون تعديل !!
Posted in سوالف الدكـــــــــــــــــــــــــه on يونيو 4, 2009 by بيــــــــالة شــــاهيامي تربطها علاقه وثيقه جدن جدن بااخوي الاكبر (ليبتون)صداقــــــــــــــه قويه وفي قمه الروعه طبعااا مستغربين ماقلت ولدها وهو طبعا مش ولدها اخوي الغير الشقيق دايم يذكرون الماضي ويدندنون حوله امي نقيض اخوي وهذاا اللي خلى العلاقه جداااا رائعه امي ولله الحمد ملتزمه ومتدينه عكس اخوي ليبتون المنفلت طبعا مو الانفلات اللي خطر ببالكم بس متفتح وبقوووة هو متزوج بعد من صفات ليبتون انه نسونجي درجه اولى يحب ويموت بسيره الجنس الناعم ودايم مع الماما يتكلم عن الجارات والعجيب يعشق وحده من حريم الحاره كبر امه بس كنهم مراهقين ع تصرفاتهم خخخخ>>صدق من قال الحب اعمى اخوي ليبتون يمتلك اخلالالالالالالاق عاليه وروح مرحه ويملك من اعذب العبارات ماكنه *نجدي* ابد له معزه خاصه بقلبي يعشق وبجنون الشاهي اللي حلالالالالاه زايد لكن مع تقدم العمر واكتشاف مرض السكر فيه صااار مايشرب الا الشاهي الا مع السكر الخاص بمرضاء السكر هذا له سالفه داااايم لما يجي يقووول وبصوت عااااااااااالي شاهي# حبابين#وانا يعلم الله ماادري وش المقصد من من هاالمسمى بس ع طوول يروح تفكيري انه شاهي بسكر زياده المويهم دايم هاالكلمه يقولها بعد مايدخل ويسلم في احد الايام جوو اصدقاءه عندنا قال اخوي الصغير شاهي حبابين للبيتون وربعه عاااااااااااد طاح وجه اخوي وضحكوا ربعه قالوا اخوك بايعها بس فهمهم انه متعود يقولها وهو برئ ماكان يفهم وش كان يقصد
نرجســـــــــــــــــــــــي بشكل دايم يرسللي صوته كوسائط ومعه بعض صوره الطفوليه وفي المراهقه وفي مراحل حياته ومره يرسل فيديو وهو قاعد يرقص عجيبـــــــــــــــــــ ياحبي له
اللي خلاني اقول الكلام اللي فوق انه دايم يرسللي وسائط وانا الصراحه اتفشل اني ماارسله بس المشكله الوسائط اللي عندي ماتليق فيه او باالاحرى ماتجي ع مزاجه يعني ماعندي صوت للفنانين اللي يسمعهم عيسى وخلف وبشير او حتى منظر( نوق )وعشب اخضر وحرمه مبرقعه خخخخخ
جاء ذاك اليوم ومدري وش اللي طرى ع بالي >>لهاالحين ناقده على نفسي بس قصدي كان تواصل لااْكثر
كان جاينا زياره ويغني لمحمد عبده ولعتني وخليتني انشد الناس المويهم سئلته هذه لمين قال لمحمد جازتللي الصراحه ورحت لليوتيوب وطلعتها وحركات المبزره قعدت اسمع الاغنيه واكتبها ثم دايركت نقلتها للجوال وارسلتها مع صوت واحد لايمت لللاغنيه بصله مع صوره عين بس ماهي مبرقعه خخخ
يؤؤه وقسم نقدت ع نفسي عسى ماشر مرسلتله ولعتني وخليتني هذاا اخوي بس وش اسوي تجربه ان لاعمري اتحمس كثير
واخوي اكسبريس لمابدت دورته وحزنت كثير ان ماعاد فيه اخر العنقود لمده 9شهور ومااقدر اقوله اني حزينه وان ضيقه الصدر شاعت في نفسي كنت اقوله واااااااااااااااااو ماعاد فيه طلبات فطور غداء عشاء شاهي غسل ملابس ووجودك زي عدمك بس قاعد بغرفتك وطقطقه بهاالكيبورد هذا اللي قدرت عليه سبحان الله عجزت اقوله المكنون كني بكلامي هذاا عكستله وانا باالعكس ماوصلتله باالعكس الا ماطلعت شي ابد له فماكان مني الا اني ادور ع وسائط رساله وخليت العنوان مااقدر ع غيابك والباقي من رسايل هاالمعاشيق بس مع التعديل والتصحيح وخلافه لازم مستحيل رساله منقاه
الشاهد ان الصراحه اذا تبي تدور ع شي تهديه لااخوك انك في الغالب ماتحصل مثلا جاء في بالي ارسل لااخوي اكسبريس ع اميله بطاقه فيها قصيده من موقع البطاقات بس استغفرالله كلها صوره واحد مع وحده هذاا اذا جازت القصيده وتحسين ان الكلمات تعبر بااللي جواك لكن كلها (حب وحبيبه ) مافيه مكان لالااخوة وكاْن العلاقات الانسانيه حبيب وحبيبه حمدلله والشكر مافيه تصميم لورده مثلا وكلمات
عن الاخوه حتى في الاغاني ومن هناااااااااااااا من هذااااااااااااا المنبر اشيد باالفنان علي بن محمد اللي طلعنا من اجواء واللي اسميها (حب وحبيبه )له اغاني في الاب في الايام الخوالي في اشياء غير الكلمات الثانيه اللي تحوووووم الكبد وكأن العالم عشاق والباقي معشوقات
على بركه الله
Posted in اول الغيث on يونيو 1, 2009 by بيــــــــالة شــــاهيبسم الله الرحمن الرحيم هذه افضل مقدمه ابداء فيها
خضت مجال التدوين لتنفيس عما في داخلي والى الان مااصدق خوضي لهذه التجربه الصراحه مليت كتابه في دفتري اللي كل ماغفت عيني لطشوه مني وقروا اسراري وهي في الحقيقه ماهي اسرار قد ماهي تعبيرات وخلجات في نفسي انثرها على الورق بس مع التدوين راح تتشقق الاوراق وببدا مع الكيبورد بدايه حميميه فهو اللي راح ينقل عن كل شي يدور في عقلي وروحيخلونِ أعيش العبره دون عنـوان
خضت مجال التدوين لتنفيس عما في داخلي والى الان مااصدق خوضي لهذه التجربه الصراحه مليت كتابه في دفتري اللي كل ماغفت عيني لطشوه مني وقروا اسراري وهي في الحقيقه ماهي اسرار قد ماهي تعبيرات وخلجات في نفسي انثرها على الورق بس مع التدوين راح تتشقق الاوراق وببدا مع الكيبورد بدايه حميميه فهو اللي راح ينقل عن كل شي يدور في عقلي وروحي
وحياالله زوولي في عالم التدوين
ادري اللي بيقرا تدويناتي بيقول مال امها داعي وماتعالج شي بس الاهم والمويهم انها تعالجني وتشفيني انا لاني اذا حملت كلام كثير في نفسي وماقدرت اطلعه حزتها يمكن انفجر
ابدون عن نفسي عن بيئتي عن اللي حولي والاحلى والاجمل مااحد يعرف من اكون
عشان امارس كتاباتي بدوووون قيووود وهذا يذكرني كثير بشاعرتي المفضله رحمة الله عليها يوم تقول
اهلي مايدرون اني شاعره ***بس مايدرون بجرح الليال
يمعنعوني من كتابه خاطره***مادروا اني زمان بهاالمجال
آه لو يدرون اني عابره ***عندهم بتصير موتتنا حلال
____________________________________________________
ومن كلامها ايضاا
خلونِ أعيش العبره دون عنـوان
طيف يمر بـلا رقابـه وحـارس
وايضااا
ادون عشان بعد كذاا سنه ان شاءالله ان الله عطانا عمر اعرف كيف كان تفكيري وكتاباتي وعلى اي منحى انا ماشيه
____________________
ادون ابي اعرف الاشياءاللي ذكرتها تغير منها شي
ادون يمكن تدويناتي في يوم من الايام ينكتب فيها فيلم او يطلع عليها مسلسل>>لايوقف الطموح
ادون ابي استنشق الصعداء
ادون لان فيه شي في داخللي يقول دوني ومقهوره من تشويت المنتديات لي باالله عليكم تنحذف مشاركتي عشاني مدحت طبخه وحده من البنات ودا اسمه كلام هنا فري حريـــــــــــــــه اتحكم بكل شي
وتدويني من النوع الاجتماعي العائللي لاني احب اذكرهم دائما وابدا وسبحان الله احس بنشوة عظيمه اذا قريت لاي احد ذاكر اهله يمكن حتى اعيد الكره واقرى مره تلو المره للمقطع المذكور فيه الفامللي اعتقد جميع سكان الكره الارضيه يشاركوني هذا الراي
_________________________________________________
وعملا ايضا بهاالابيات لان مدونتي كانت محجوبه مااحد يعرف محتواها الا صاحبتها يعني كنت منخشه وبعدين جتني الجراءه وخليتها ظاهره للعيان
.مع ملاحظه تغيير ابيات بتدوينات
____________________________________
و أصور معاناتي حروف وابيات ..
يلقى بها راعي الولع جاذبية ..
و لاني بندمان على كل ما فـات ..
أخذت من حلو الزمان و رديـه ..
هذي حياتي عشتها كيف مـا جات ..
آخذ من أيامي و أرد العطيـة ..
واحتمال انزل كتاب يشمل جميع ماانكتب هنا >بيل كلينتون وكتابه (حياتي )مو احسن مني
بس بيل كان رئيس الولايات الامريكيه انتي ايش !!!؟؟؟
____________________
ليه كذاليه وش سويت
Posted in انا واخوياسعد on مايو 25, 2009 by بيــــــــالة شــــاهيمره قاعدين ومستانسين ولله الحمدوكنت جايه من مشوار ولابسه جزمه عزكم ربي غاليه ع قلبي كثييير كان لونها اسود مع بيج وكان في وسطها فيونكه ياربي قد ايش كنت احب هاالجزمه عزكم الله وكانت كعب شوي
دقايق الا المدعو سعد& ششششششش طنقّّ& شايلها وراميها فوق السطح وانا اللي الحق ع الثانيه لاتلحق اختها لنفس المصير ويارب سلم سلم وش الطاري عسى ماشر ماي بررذر ليه كذاا والعيون مليانه مويه >>نسمي هاالحاله انا وخواتي زلازل
قال ابد وراها كعب انتي يوم تركبين الباص يسمعها راعي الباص ويسمع صوت الكعب ويصير من ضمن حكم الخلخال
!!!!!!!!!!!!!!!!!!!!!!!لااله الاالله ياســـــــــــــــــــــــــــــــعد كلمني باالمنطق يلعن ابليسك مايمدي راكبه الباص تشششششنق الا وجالسه ع الكرسي شايفني راكبه باص ولا سيب معقول انت قم قم جب الجزمه
لاحياة لمن تنادي طبعا وماعاد فيه امل ترجع ابد سلمت امري لله تصدقون مشتاقه لها
عورني قلبي الصراحه تذكرت هاالموقف
@@تذكرت موقف لغاندي رحمه الله عليه لما طاحت جزمته وهو كان يركب الباص وبعدين رمى الثانيه وراها قالوالها ليش قال يمكن يلقاها واحد ويستفيد انه لقى الثنتين ويلبسها اوما وحده وش بيستفيد
تخيلت نفسي ارمي الجزمه الثانيه باالله من اللي بيستفيد لان اللي باالسطح حيوانات بس اللي جنب القطار ناس اوادم
فوتكو بعافيــــ هاحبك برغم كل الاختلافات
Posted in انا واخوياسعد on مايو 24, 2009 by بيــــــــالة شــــاهيالعنوان مقتبس من فرقه تتكون من اخوين اثنين كان من ضمن اغانيهم هاالجمله خخخخ
هذاا الاخ الاكبرومن جد يستحق اني ادون عنه ويستحق بعد اني احط له تصنيف خاص له لان المواقف كثيره معه ومااتنعد ولا تحصى بااختصار اخوي نقيضي في كل شي انا استمتع كثير بااختلافي معه مع اني بداخللي اتمنى انه يتغير
هذاا الاخ الاكبرومن جد يستحق اني ادون عنه ويستحق بعد اني احط له تصنيف خاص له لان المواقف كثيره معه ومااتنعد ولا تحصى بااختصار اخوي نقيضي في كل شي انا استمتع كثير بااختلافي معه مع اني بداخللي اتمنى انه يتغير
صفاته: عقليته باالحيل متحجره حديث عهدٍبااسلام اقصد يعني توه متطوع عسى الله يثبته والجميع يمكن من 8سنوات لو
يدري ان عندي مدونه يمكن يشوفني اني مارقه عن الدين
بااختصار ممنوع الجوال ممنوع الستلايت حتى المجد ممنوع النت مع البنت يشوفه انه اكبر خطيئه لاتغتفر>> عسى ماكفرنا بس
وحياتي كلها انا واختي دس في دس
بتتسئلون تيب كيف عندكم هاالاشياء بقولكم عندي الاخ الاصغر اللي احب اسميه اكسبريس >>بمااني بياله شاهي خخخ
هو الله يوفقه ويجزاه خير متفتح ونقيض اخوي سعد هو اللي لولاه بعدالله ماعرفنا هاالاشياء ياحلاتك بس
سعـــــــــــــــــــــد للاسف يحب يتدخل بخصوصيه الغير يااخوي كل واحد له خصائص من اخوانك ليش كذذا (انك لاتهدي من احببت ولكن الله يهدي من يشاء )
يؤؤه كثير الحكي عنك (ياسعد قلبي )والجاي اكثر هذه بس لمحه مختصره
ومهما سوى وفعل يبقى قلبه ابببببببيض وطيب وكرررررررررررريم بزود وسخي جدااااااا
انا متاكده ان في مجتمعنا عينات كثيره من سعد وعسى الله يعين
